周小姐,您想點呀????

5月5日, 時陰時晴…心情…好亂……
周小姐,您想點呀????現實生活您已經唔理我,又話唔識我咖啦!!!
咁點解到咗喺我可以忘記您嘅時候又係我夢中同我喺返埋一齊啵????
您令到我好亂呀!!!您想點呀????呀~~~~~~~~~~~~~~~~~~~~~~

Exam Mood~~

5月4日, 晴天…心情…無乜特別……Exam Mood
一個月前嘅4號,我呢生人都唔會忘記嘅日子,Kimmi Chau,係妳話唔識我咖,都唔知呢個香港會有D咁嘅Miss????真係香港教育界嘅不幸……有D咁嘅Miss,出嚟嘅學生都唔會見得可以好得去邊……唉……食煙Miss……

喂,噚晚多謝妳陪我去”風月堂”食咗一個好正嘅晚餐~~~
邊個,唔話你知,自然會有人知~~哈哈

內心思緒超級大混亂…

3月31日, 下雨天…心情…無好過,跟天一樣的下著雨,內心思緒超級大混亂…
星期六晚同一個認識咗成年幾嘅Net Friend出咗尖沙咀Rich Bar玩,死囉,發覺自己有D鐘意咗佢,其他人點睇我唔理,我只知道佢係一個好女仔,只不過係貪玩咗D,示愛??不過失敗咗……其實咁樣都好,如果唔係嘅話,就係我對阿Kim不忠咖嘞…點都好啦,思緒再一次大混亂中……好唔開心…
星期日,一早睇埋海猿先訓.,都唔知點解一路睇,一路喊,完全停唔到,唉……都唔知有乜咁感動……
我想死,但係要死得有價值,海猿……好touch….好感動,原來……我真係想死,無錯,係而家,但係我想死前可以係為咗救人而死…心足矣……

你係唔係變態咖,咁樣嚟虐待自己都又嘅?

3月26日, 下雨天…心情…無好過,跟天一樣的下著雨,依然仲好掛住您同仔仔…
記得Simee姐同我講過一句說話:”你係唔係變態咖,咁樣嚟虐待自己都又嘅?”可能係啦,但係要我去忘記同您一齊開心嘅日子,我真係做唔到,我情願日日不停咁以淚水洗面,都唔可以失去對您嘅愛同思念,因為我真係太愛您,我唔容許有第二個女仔出現去代替您,所以我亦唔容許自己有一時三刻唔去諗起您,呢種感覺痛苦嗎?好痛,真的好痛,但係我甘願去承受,因為我相信有一日您會感受到我對您嘅愛係有多深……
君兒呀,多謝妳呀,我知一定係妳送咗個夢俾我嘅啫,雖然個夢個background唔多好,又見唔到妳家姐,但係都聽到佢把聲吖,都好好咖嘞,hehe,今晚我想貪心D,可以見到佢,同埋復合呀,幫我呀,我想同妳家姐喺返埋一齊呀,我應承妳,我一定會對佢好好咖,我唔會好似佢以前個”賤渣”咁,因為第三者而唔要妳家姐咖,我一定會同佢一生一世……如果要我為呢段感情去定一個期限,我希望係一萬年……

藍梅茶......

3月25日, 陰天…心情…一dd都無好過,依然仲好掛住您同仔仔…
從前覺得藍梅茶可以令我快樂,所以我以前日日都會買一支藍梅茶嚟飲,而家,藍梅茶功能不再,唔係D藍梅茶唔同咗,只不過係我真係太掛住您,阿Kim,您近來好嘛,我好掛住您呀,我有好多嘢想同您講呀,我變咗好多咖嘞,俾多一次機會我吖,我以後一定會對您好好咖,一次吖……
君兒,阿Chi噚晚兩點幾不停咁喺到吠,妳噚晚係唔係嚟搵過我呀?點解唔現身見我嘅,唔使驚阿Chi咖,佢唔會咬妳咖,佢好乖咖,我有好多關於妳家姐嘅嘢想同妳傾呀,今晚再嚟搵我同我傾吖,一定要呀……

重遊故地......

3月24日, 天晴……心情,都仲係好差,依然仲好掛住您同仔仔…
一訓就訓到下午至起身,呀~~~~好眼訓呀~~無嘢做,所以去咗Shau Kei Wan搵阿豆Hi Tea,呀~~~~原來佢已經約咗人tim,唔緊要吖,呀,重遊故地,好多好多嘅回憶不停咁湧出嚟,不過唔係同阿豆果D,而係同阿Kim果D,因為我以前同您去過一次Shau Kei Wan,雖然時間唔長,但係都係我一個好好嘅回憶……

The only function in the easter holiday......

3月23日, 陰天……一dd都無好過,依然仲好掛住您同仔仔…
白天時,天氣唔好,到咗晚上同Yvonne出咗TST食飯,食飯之前去咗Toys”R”Us睇玩具,睇嚟做乜?Um…兒童節到嘞,點都要買份禮物俾言言(我好想叫你一聲仔仔呀…)睇完嘢,食完飯,就去咗”All Night Long”飲嘢,個場好正呀,真係無得頂呀,有Live Band睇,唔錯唔錯,飲到差唔多一點鐘,一行4人就散水嘞~~Um,多麼美好的一個晚上~~

死...可怕嗎?

3月20日, 陰天…心情…一d都無好過,依然仲好掛住您…
喺過咗嘅果一個星期五,得知一個好朋友嘅Dad過咗身,心情有d難過,亦令到我有一d已經忘記已久嘅諗法又再一次湧現出嚟……
人嘅一生,到底係為咗乜呢?我真係好唔明白:有d人想死,但係就偏偏死唔去;有d人唔想死,但係就偏偏死得好快;好人,唔知點解會咁短命;衰人,唔知點解通常都會長命百歲……
想死嘅人,會好似我咁,無目標,受過傷害,無一個好嘅童年,喺呢個世上無嘢再值得留戀,試問一個咁樣嘅人生,唔死又有何用呢?
相反,唔想死嘅人,會有佢哋自己嘅目標,我唔知佢哋有無受過傷害, 有無一個好嘅童年,喺呢個世上有無嘢再值得佢哋去留戀,但係我肯定一樣嘢,就係佢哋一定好怕死……
人怕死,係正常嘅,因為有太多宗教以及太多嘅電影,電視等等嘅傳媒去傳播好多關於死後嘅可怕事情同埋自殺之後會受到嘅懲罰,所以人係應該怕死嘅.
我怕唔怕死?我都怕咖,不過如果要我繼續痛苦咁生存落去,點解唔可以洒脫一d咁去了結我痛苦嘅一生呢?
我成日都喺到諗,如果可以用我嘅生命去換取返別人嘅生命,會係一件多麼美好嘅事呢~~~原因好簡單,我唔開心,我做人做得好辛苦,我唔想再痛苦落去,用我嘅生命去換取返別人嘅生命,人哋又開心,咁咪幾好……
我貪心……我想用我嘅生命去換取返兩個人嘅生命,一個係”周君兒”,另一個係Vivi嘅Dad,佢哋兩個都係好人,有目標,有理想,有人去認同,可以帶給別人快樂,呢樣嘢係我做唔到咖……
君兒如果仲在生,阿Kim一定可以活得好好,至少好過而家,阿Kim,唔知您仲記唔記得您同我講過一句話,有一朝訓醒,您同我講”我未試過可以訓得咁舒服咖,因為我同以前d男朋友訓,我都一定要等佢哋訓咗我先敢訓咖,因為我好驚一訓醒會唔見咗佢呀……”當時我真係好感動,因為您覺得我唔會離開您,無錯,我一定唔會離開您,因為我真係好愛您……您仲記有個傻佬六點鐘一早起身為您煮嘅太陽蛋嘅味道嘛?果朝我煮咗好多隻太陽蛋,直至煮到有一雙係完全無燶嘅太陽蛋俾您,我至肯收手,果朝我食咗好多隻太陽蛋呢,好傻,但係見到您開心嘅笑臉,我已經心足嘞……還記得2008年1月8日嘅晚上嘛?您同我講話唔知係唔係鐘意我呀…我好心痛,好痛好痛,直至今日,還是一樣的痛,您仲掛住以前對您唔好,因為第三者而同您分手嘅”賤渣”,點解喎,點解啫,我唔明呀……唉…Kim,我會永遠咁等您咖…..直至我死為止……願我可以在死後化作星塵,在不遠處與君兒一起永遠咁照亮著您……

君兒,我都好耐無同妳傾偈嘞,妳近來好嘛?在天國生活得好嘛,我係人間生活唔多好呀,無咗妳家姐嘅日子,生不如死,我都好想快d可以上嚟搵妳呀,不過我仲有d嘢未做哂,所以未得住,等我呀,我好想同妳面對面傾吓偈咖,到時一齊照耀妳家姐吖,好唔好啫?係呀,我都好耐無喺夢中見到妳家姐嘞,我好掛住佢呀,妳要幫我呀,送我一個美夢吖,嗱,唔出聲就當妳應承咖嘞……

死......

3月10日,晴天…心情…好down…
死,可能係唯一嘅辦法,一個人無得救,就係無得救,唔好諗住去救佢,由得佢死就算,唔好浪費時間同精力去救佢……

開心...只有自己一個人知,沒有您和我一起分享,得到世界又如何...

3月3日,晴天…心情…依然好冷…
早幾日(3月1日)收到PolyU嘅Email,通知我話收咗我嘅Master Degree嘅Application,果日真係好開心,同完Fion食完tea,之後再同Simee姐去食dinner,真係好愉快嘅一日.
點知一覺訓醒(星期日,即3月2日)睇睇吓海猿,去到一D好Touch嘅位,不自覺咁係度喊,阿Kim呀,我真係好想同您講我無放棄過自己咖,我好想同您講,到咗9月,我就係一個Master嘅學生嘞,我好想您會同我一起分享我嘅喜悅呀,不過當我一諗起您唔想聽我電話,我就放棄咗嘞…我有同Amy講過咖,唔知佢會唔會同您講呢……
今日一覺訓醒(星期一,即3月3日)個人好累,可能噚日同Grace跑完步嘅後遺症啦,好努力咁去記吓自己發覺咩嘢夢,呀~~~我記得嘞,我哋復合咗呀,我哋一起返呀,手拖手一起去行街呀,希望呢個夢可以一直咁延續落去,直至您真正同我復合為止啦……
君兒,都好多日無同妳傾嘞,好多謝妳送我一個美夢,希望妳會多送我一個美好嘅現實啦,我好想同妳家姐喺返埋一起呀,please, let me have a beautiful lift……

思想再一次大混亂...

2月27日,陰天…心情…好壞…
阿Kim呀,您咁對我,乜我唔係應該好憎您嘅咩?點解今日喺公司同Amy msn一題起您果陣,我想喊呀……原來我仲係好鐘意您咖,我一D都無忘記過您呀…我好痛苦呀,好掛住您呀…我都唔知呀…
君兒,教吓我點做至啱吖,今晚報夢話我知吖…

Only hate, no love, betrayer

Feb-25
Kimmi Chau, after saw your blog, right, you make me know you love the others and forget me even I give you all my life.
Right now, you make me know one thing, no real love in this world, only hate, what the fuck……
Yes, he is right, Satan is the real god in this world, I believe you again, my lord, I’m regret taking some time to believe that shit, please forgive me once more, my lord, I will be the loyalty citizen in your blessedly country. Amen……

一個夢......

2月25日,陰天…心情…時好時壞…
4日嘅失望,第5日,終於有一個美夢出現,我噚晚見到您呀,阿Kim~~喺夢入面,您好傷心咁樣打電話俾我,要求我同您食dinner,不過唔知點解喺個夢入面我好似唔係好緊您咁,點解喺個夢入面嘅您同我D態度都相反哂嘅?真係好奇怪,現實嘅我係好緊您咖,而您就連同我做朋友都唔想,點解喎,我係唔係真係對您咁差?令到您連同我做朋友都唔得吖,您以前個賤渣咁對您,點解您仲要掛住佢都唔肯同我一起吖?點解呀……我唔明呀…我以已經全心全意咁去對您啦!點解您要咁對自己喎?乜咁樣會令您開心快樂咩?果條賤渣係因為有第三者先至唔要您,而我好努力咁對您好,您都唔肯俾次機會我吖?點解吖…點解喎…我真係唔明呀…
君兒,好多謝妳送咗一個咁好嘅美夢俾我,雖然明知現實係無可能發生,但係呢個夢已經俾到我一日嘅推動力,真係好多謝妳呀,我個人貪心咗D,希望妳今後可以繼續送我美夢……

為一年後嘅Marathon同阿Kim而努力奮鬥～～

2月24日,下雨天,心情跟天氣一樣,都是下雨……
又過咗4日嘞,一晚都見唔到您,真係好失望,我好努力咁樣去keep住自己對您嘅思念……
阿Kim,您近來好嘛?為咗您,我會不停咁去増值自己,
我報咗MSc in Mechanical Engineering嘞,不過就未知收唔收,其實增值自己係有兩個理由,第一,係為咗您,我想有份好D嘅工,可以保障到您同我以後嘅生活,第二,讀書就無多餘錢同多餘時間出去搞搞震,因為我唔想有其他人出現,我驚我會把持不定呀,您明唔明呀,阿Kim……我真係好愛您咖!!!!
今日同Grace & Vivian一起去跑步,嘩,佢哋都算係咁囉,無做開運動都可以跑到我以前跑開嘅路線,仲要45分鐘搞掂,都真係唔話得囉,好~~一起為一年之後嘅Standard Chartered Marathon而努力啦~~唔跑由自可,一跑就停唔到,total一起跑咗都應該有個幾鐘,唔錯,唔錯,唉,唔知出年可唔可以同阿Kim一起跑呢?我想您真係想得好辛苦呀……
君兒,請您給我一個美夢啦,我要見到您家姐呀……

好驚．．．

2月20日,時陰時晴,不過心情繼續陰……
已經兩日無夢見您嘞,唔知點解我今日突然間好似對您開始無咗果種感覺,我唔想咁呀,我唔想忘記您呀,您快D返嚟啦,我唔想我會對您無咗愛嘅感覺呀,我好痛呀,我唔想忘記我哋以前嘅美好回憶呀,我唔想呀,我唔想呀,您明白嘛?Kimmi Chau,我唔想忘記您呀……
周君兒,點解我會咁咖?到底我今日發生咗D乜嘢事呀?我係唔可以對妳家姐無咗愛嘅感覺咖,妳幫吓我吖,我對妳家姐係認真咖,乜我嘅出現,唔係妳有心安排嘅咩?一定係咖,妳要幫我呀,我唔介意無了期咁去等待咖……唔好咁呀,我唔可以無咗對您愛嘅記憶咖……

2月19日,陰天,跟心情一樣的陰…
知道朋友女有D唔開心,所有今晚去咗佢果區陪佢食dinner,食完飯,就一起去公園散步(嘩~~~好似老人家咁tim),個月光好圓,好美麗,行咗成個幾鐘,見到佢都仲係有D唔開心,我就笑住咁同佢講:”笑吓啦~~唔得,要開心D嘅,都未夠,要笑得再開心D嘅,~~”其實,要笑得開心,又談可容易呢,我自己咪又係強迫自己去笑,都唔係發自內心,表面笑得幾開心都好,呃到人,呃唔到自己……
知道人哋唔開心,所以去陪人,其實係自己想有人陪,因為自己一D都唔開心,一D都唔快樂,沒有您的日子,快樂…又談可容易……

停不了的惡夢......

2月18日,第一天返工日,天陰,心情亦陰……
沒有您的日子已有一個多月,心情跟之前一樣咁down,一D都無好過,噚晚發咗個夢,喺夢中嘅我半夜唔知點解會無啦啦醒咗,望吓部電腦,見到您online,再望吓電腦個鐘,半夜3點幾,見到您online咗一陣就off咗line,星期一啵,點解咁夜至online嘅?您係唔係去咗拍拖呀?我個心好痛呀,您知道嘛?我個心真係好痛呀!!!我唔想無咗您呀,我哋可以再度重新開始過嘛?原本以為自己以經好返D,原來唔係咖……
呢個夢仲要幾耐先至會醒呀?我真係頂唔住嘞……我好辛苦呀…阿Kim,君兒,您哋快D叫醒我啦,我唔要再發D咁嘅惡夢呀……Kim, I love you forever……

一年一度渣打馬拉松~~

2月17日,渣打馬拉松日,唔知您今日跑成點呢,阿Kim,我好想您呀……
心情依然好差,沒有您的日子,真的很難過……
今天起床,都已經是下午,都唔知做乜好,之後喺msn俾Raiko仔提一提,係啵,要返學校搵paper做Final Year Project啵~~之後校準時間,就返P仔搵paper嘞,搵完,就一條友過咗TSTE食嘢,點解一條友,唉…都唔好提囉…
食完嘢,行返我哋以前行過嘅路,回憶一吓我哋以前一起時開心嘅日子,之後就一條友好孤獨咁行返屋企…又係一個人…我真的很想念您呀……

君兒,兩晚嘞,已有兩晚無嚟報夢嘞,今晚吖,好唔好啫~~我好想見到妳家姐呀,我哋今晚一起傾吓吖,我求妳吖,我忘記唔到您家姐呀……一D都唔可以呀…請求妳送我一個美夢,願我們在夢中相見……

決戰花墟~~~~

2月16日,時陰時晴,一早起咗身諗住同個friend食早餐,點知佢話有D唔舒服所以就cancel咗(好彩出門前打咗個電話俾佢先,唔係就真係on99去到去果邊就大焦獲囉……)咁點算好呢,又唔想訓,之後就係屋企上咗一陣msn,就返咗P仔食個lunch,之後就一條友仔再戰花墟~~
出到去都差唔多1點,點解要出花墟?因為有我同您嘅回憶,所以我想出去,我想買D嘢送俾您……出到去之後,第一時間殺入”繽紛”搵嘢買,點知以前見到嘅個隻竹製嘅貓頭鷹已經唔見,心情突見失落,所以行咗一陣就落返大街,記得同您以前行過呢度,買過一D嘢返去種,您話咁樣會開心D咖嘛!!而家諗返起,搞到自己都有D衝動想買一兩樣返屋企種,唔行由自可,一行都估唔到自己咁鬼認真,行第一個圈,去決定買乜,第二個圈,就用嚟”格價”,第三個圈至出手買嘢,買咗乜,睇吓D相咪知囉~~其中一樣就係您嘅至愛,希望我會有個機會親手送俾您啦……不過都唔知會唔會有咁嘅一日……
之後就去咗沙田同Simee姐食dinner,美味嘅Italian Food,正,食完正餐再食甜品,正!正!正!今次仲唔肥死~~~哈哈哈,真係無得救囉~~
正餐食完,甜品食完,再影埋您至愛嘅蝴蝶,同阿姐吹多陣水,就返歸lu~~
Um,美満嘅一天,就咁Finish嘞~~

一年一度攝太歲嘅大日子

今日一早俾媽子個電話炸醒咗!!!!!!@o@......
係喎,又係一年一度攝太歲嘅大日子(講到好似好嘢tim,今年各位羊仔羊囡係”害太歲”呀,記得去攝太歲呀~~)
跟住就好快咁出咗去join埋媽子坐van仔出旺角,gogogo, 攝太歲~~~
一出到去果間廟,第一個反應,嘩~~~都唔係好多人啫,嚇得我吖……
入到去,再嚟多次先~~嘩,人唔係太多,但係D人左閃右閃,同好多人一D分別都無,之後就急急腳咁行去買攝太歲用嘅”衣紙”個counter,之後有個阿姐就問:”一家人嘛?”之後媽子就問我:”你係唔係同朋友攝太歲呀?”跟住個阿姐就好快咁話:”咁就買兩份啦~~~”其實我真係好想講,我已經當咗佢係我家人咖嘞…”
原來攝太歲都幾多嘢搞咖,首先就拜大太歲,跟住要搵返自己果個年份,再拜多一次(見到果個幫手攝太歲嘅阿叔都做到好熟手吓~~),拜完之後,就拜觀音,土地,等等~~跟住就出動最後嘅”衣紙”,再拜多次太歲,咁就完成咗成個proceed嘞~~
到咗最後,就係”金榜題名”嘞!!(嘩~~~啦啦~~~個名好勁呀~~)阿媽子就寫咗一張全家嘅,跟住我自己就再多寫一張,上面寫有我同您個名,寫嘢果個阿叔好搞笑,寫完之後就面向觀音大大聲咁叫出嚟:”善信林XX同周XX誠心,祈求佢哋可以開開心心咁發展落去……”(發展落去…都散咗咯,點都好啦!!!!如果真係得嘅,我真係一定要還神呀~~仲有呀!!寫嘢個阿叔係唔會同人讀出嚟咖,之前媽子同再之前果D都無咖,佢真係好關照嘞!!寫嘢阿叔,好嘢~~~)寫嘢個大叔講完,俾返張嘢我,之後我就攞咗張”金榜”俾貼嘢果個大叔,之後就到貼嘢大叔面向觀音大大聲咁講:” 善信林XX同周XX誠心祈求觀音保佑一家平安,身體健康!!!”之後就貼咗張”今榜”上去”金榜題名”果塊板上面,貼到好高好高呀~~~我嘅祈求,一定可以夢想成真嘅,強戰Kim!!!努力呀~

攝完太歲,就同媽子&佢D茶友去飲茶,飲飲吓,佢個茶友話要夾錢出本彿經(其實係重新再印一批),所以我就用咗我同您嘅名義捐咗$100,多多益善嘛,希望可以幫您’即’到D福啦~~

飽飽之後,就一條友過咗灣仔買”到處’樓’情”,之後再去買玉(因為害太歲,所以買D玉囉,會好D咖嘛~~)買完玉,再去EPD交埋D application form,之後就去咗上環搵阿Sa High Tea嘞!!!

大家樂High Tea~~~Yo~~~都好多年無見過阿Sa咯,咁多年都仲係咁靚女,勁呀~~
唔好講笑,緊係第一時間攞本”到處’樓’情”俾阿作者簽個名先啦~~之後再傾咗一陣,就走lu~~

去邊???我呢個公仔佬就緊係四周圍咁影吓相啦,呢到影吓,果到影吓,不知不覺咁去返阿Sa以前嘅舊屋,都好多年無嚟過嘞,都無乜點改變吖,忽然間又記起一D住事……之後就跟返以前嘅果條路一直咁行返落去,一路行,一路影,去到盡頭時,有種好熟識嘅感覺,原來同阿Kim行過呢度,好多好多嘅回憶有不停咁浮現出嚟,之後一直咁向上行,去返”占仔記”食咗碗雲吞麵,um,好好味,同以前一樣咁好食,為一唔同嘅,就係無咗您喺我身邊……

君兒,再一次多謝您再送咗一個美夢俾我,妳家姐同我去街呀,我真係好開心呀,雖然只係夢一個,但係都要多謝妳一句啦~~~~~~係啵,妳都仲未嚟同我傾計呀,今晚呀,一定要到呀,我等妳呀,我哋三個一起傾呀~~~~~~唔好放飛機呀,我等妳……

今日,2月14日,情人節,陰天

今日,2月14日,情人節,陰天,跟我嘅心情一樣,都係陰陰沉沉……
今朝一早起身,其實都唔早嘞,起身時都成12點,同預計時間遲咗3.5個鍾,由於唔多夠時間,所以就無去到環保署就直接搭車入大澳,可以一路懷念一下同您以前嘅日子,另一方面又可以打發一個人過嘅情人節……
一入到大澳,就不停咁左影右影,好懷念同您一起嘅日子,有開心嘅,有唔開心嘅,一幕又一幕咁浮現出嚟……想去返以前您陪我去過嘅果間茶餐,點知無開……都有D失望咖,算啦,天要我無得食,咁咪去過第二間囉,行咗幾步,”山水豆腐花”?????您好似講過呢間幾好咖啵!!!好,一於入去試吓,醫肚要緊~~
入到去,好,叫個蝦漿炒飯食吓先,之後個阿姐就話無,無計啦,到最後就叫咗個蝦漿排骨飯($18)+豆漿($8),Total$26,美味~~~~
之後就keep住咁行,去到您棚屋區嘅入口,突然間好驚,唔敢行入去,驚乜????唔知……只知好驚……所以到最後都無入到去就走咗,再向前行吓行吓,見到有一間都幾細吓嘅廟,就好誠心咁拜咗一陣,一路拜一路誠心咁喺心講”保佑阿Kim(當時係講全名,不過呢度唔方便公開)永遠都開開心心”之後一路咁行, 一路咁行,行返去您以前讀書嘅地方,不停咁影,不停咁幻想您以前讀書嘅情況……好多好多嘅回憶……好多好多嘅幻想……
影完之後,就行返入去永安街,不知不覺間,又行返去”山水豆腐花”,買咗支$7嘅天葵茶(又名大澳利賓立ß阿Kim教嘅)其實都知買貴咗咖嘞(成個大澳都係買$5),不過算啦,見個阿姐都幾好傾,又無乜人行入去佢果頭,都係$2啫~~
At the end, 去咗周太度買咗兩包天葵茶($10包)返屋企自己”保”(唔知呢個周太係唔係阿Kim媽咪呢???不過又見唔到佢嘅???唔通人有同姓?????)
好~~~買完,影完,走頭~~~~去邊,緊係西環啦,我嘅情人節,就係要搵返我對您嘅一切回憶嘛…
去到西環,影咗幾張相,又撞唔到您,又夠鐘返學,所以就去咗鍋貼大王食嘢(以前同佢都去過……)担担noodle($12),5隻鍋貼($10),豆漿一杯($5),多謝$27~~~超美味~~食完嘢~~飽飽,個人好warm,個心好cold,好lonely…
睇吓隻錶,嘩,7點幾,又係時候返學Lu……(哈,又遲大到……)

君兒,好多謝您噚晚送咗一個美夢俾我,妳家姐喺msn度叫我陪佢去街呀,2 月14呀~~~我真係好開心呀,雖然,到咗最後妳家姐都係無理過我,無打過俾我,都好失望吓,不過都要多謝妳一句啦,因為妳送咗一個最好嘅情人節禮物俾我,再一次吖,君兒,多謝妳,我有諗過今日去拜妳咖,不過最後都唔知喺邊,所以都無去到……君兒呀,希望終有一日我可以同妳家姐一起去拜妳啦……祝妳永遠愉快~~~~

好心好報（合唱版）

好心好報（合唱版）
主唱： 方力申/鄧麗欣
作曲：雷頌德 作詞：方杰
編曲：雷頌德 監製：雷頌德

Alex：落力為你好　得不到分數
你決定要跟他日後同步
他不懂愛惜你　我樂意操勞

Stephy：我決意愛他　祝我愉快吧
你最明白我痛極亦留下
傷得很重也不怕　我願意等他

Alex：還看著你（Ｓ：他會感動嗎）
看你在懸崖走路（Ｓ：他亦跑掉嗎）
他卻放下你 只照顧自己
Stephy：我慣了愛他你怎樣做
在懸崖還是我無退路

Alex：對你好　無人稀罕我好
無人欣賞我好　原來你習慣他一套
從來沒有愛我　看得清楚 我知道
不必得到　不妨陪襯　但願為你好

Stephy：他　從來都比你差　仍然死心愛他
垂頭再度聽他欺詐　期求他說愛我
為何尚未等到　可能這秒時辰未到

Alex：是受罪也好　聽聽你哭訴
你說難過總比分手更好
Stephy：我說幾多的女主角　也受過煎熬

Alex：情況壞到（Ｓ：他也許做到）
你信任來年一日他答應做到
（Ｓ：他也許做到）通通都做到

合唱：我也似你的無從勸告
寧願犧牲都不願卻步

Alex：對你好　無人稀罕我好
無人欣賞我好　原來你習慣他一套
從來沒有愛我　看得清楚　我知道
不必得到　不妨陪襯　但願為你好

Stephy：他　從來都比你差　仍然死心愛他
垂頭再度聽他欺詐　而明知你愛我
我竟扮未知道　好人　恕我未能做到

Alex：你當我是知己　我看得到
我當你是一生前途
Stephy：幾次也是沉迷麻目　控制不到
合唱：怎麼好都等不到

Alex：怎去做　無人珍惜我好
無人喜歡我好　原來要學會他一套
從來沒有　吻過　記得清楚　我知道
不必得到　不妨陪襯　但願為你好

Stephy：好　從來都知你好（Ａ：未夠好 ）
為何他不夠好（Ａ：我不夠好）
回來我又與他擁抱

合唱：仍然相信我會　有好心得好報
可能　到某日會知道

”寬恕係生命嘅藝術,希望由愛開始”

前幾日,去Stephen屋企拜年,見到佢同佢老婆兩口子,好幸福,好快樂,真係好羨慕點解佢哋可以咁幸福,但係自己就咁慘,到走嘅時候,自己都幾醉吓,好感觸,諗起阿Kim,好想喊,所以就自己衝咗落街,喺條街度不停咁喊,之後果幾條友仔落到嚟見到我咁,就一起出咗TST飲嘢,頂唔住,所以飲咗一陣,就一條返屋企先,返到屋企,唔使問嘞~~咪就係嘔到仆街囉,唔知點解呢?嘔完之後第二日,成個人好似醒咗咁,乜都睇開哂,突然間有種想信主嘅感覺,好奇怪,我知我真係放唔低您,但係而家個感覺好咗好多,一個不嬲信魔鬼嘅人,突然間想去信主???????我都覺得好怪,有朋友問我:”r u crazy?”我諗係呱~~~可能我呢幾日狂睇”最激之手”最尾果段啦,大家可以買隻碟嚟睇吓,因為入面有句話,都幾精境咖,”寬恕係生命嘅藝術,希望由愛開始”,點都好啦,我都會等您……ever and ever……

Kimmi,我好掛住您呀......

我今日同Miss”焦”去咗拜觀音，希望觀音保佑Kimmi永遠都開開心心,跟住Miss”焦”問我:”咁你有無幫自己拜呀,我好簡單咁答咗一個字:”無”之後Miss”焦”就話:”點解唔同自己拜呀?”再跟住我就答:”只要佢開開心心,咁就得咖嘞……”幫阿Kim拜完觀音之後,就同Miss”焦”出咗去TST行街街,嘩~~~~~~900百幾蚊兩件 衫?????都好貴吓,不過妳鐘意,都無所謂啦~~妳嘅$$$嘛~~買完衫,就一起去搵嘢食,wow,我至love嘅沙dad牛肉min呀~~~good~~~~~~~~跟住佢個friend Vivian嚟咗,一起食Tea,其實我都係做咗D好少嘢,佢哋就話:”你都好細心啵,一定有好多女仔鐘意啫!”聽完之後我就話:”如果係嘅,佢都唔會走啦……”
到咗夜晚我又有另一個諗法,以前睇個一篇文章,其中一段係咁講嘅”你結婚果個,一定唔係你最鐘意果個,你最鐘意果個,一定唔會係妳結婚果個……”都係咖啵,我鐘意嘅係佢,仲係好鐘意tim,但係就無意中俾咗好大嘅壓力佢,令到佢唔再理我,要離開我,我都係緊張您,先至會俾到壓力您,點解您唔俾我再對您好呀?點解您情願愛個賤渣都唔肯俾多次機會我?點解呀????????我唔明呀???????佢因為第三者而同您散咖!!!!您唔再記得當時您有幾痛咩?????您話過您唔想因為我以前D嘢而對您唔公平,咁您對我又公平咩,個賤渣對您唔好,您都俾機會佢,咁點解我對您好,但係您都唔肯俾機會我吖,我唔明呀……………………………………………
已經連續兩晚嘞,君兒,希望妳可以給我一個好夢啦,我好想喺夢中見到妳家姐同返我一起呀……君兒……

再一次思想極度混亂

Kim,您終於肯在我夢境中出現嘞……但係點解您要咁對我呀~~~~~~~~~
都唔知道係邊一日,Miss”焦”同我去咗一間都唔知喺邊嘅茶餐廳,好奇怪呀!!點解Miss” 焦”不停咁講嘢,唔俾我向後望嘅,之後又唔知點解,我會同您迎面咁行過,當時您個樣好驚訝,好似好驚咁,我見到咖,我睇到咖,您同一個唔知乜嘢人拖住手呀,我同您擦身而過,跟住您就同我講:”呢個係我朋友嚟咖!”吓???????拖哂手嘅朋友????拖到一十指緊扣嘅朋友????您好肯定咁同我講佢只不過係您嘅朋友!!!咁即係點呀?????點解您咁驚我知您有男朋友呀????吓?????到底您想點呀,定一話係我內心唔想您同第二個一齊呀……唉……好亂呀~~~~~~~~~~
跟住唔知點解又一次無啦啦變咗同阿豆傾(喂!!!點解妳又一次出現喺我同阿Kim個夢內呀~~~係唔係搞事呀妳!!!!!(講吓笑咋,可能我一直以嚟,都仲未放得放底妳啦))跟住都唔知喺邊度搵到張相,就問:”呢個就係阿X嗱(我真係唔記得咗叫乜,所以先至用X嚟代表)”之後妳就好唔好意思,唔想答又要答咁話:”係…’Oh!!!My God!!!!咁即係點呀,次次都係咁咖……
君兒呀,我唔想再俾人遺棄呀,我唔想無咗妳家姐呀,妳一定要幫我呀,妳都連續兩晚送咗個夢俾我啦,我要,我要,我要妳家姐呀,我一定會對佢好好咖, I promise you……

年”焦”團

噚晚嘅一個聖記加P仔同學大互毆年”焦”團~~去到MK行,原來無人知道個market喺邊,(頂~~早Q知行維記啦,至少唔會盪失路吖~~)幾經辛苦之下,左行右行,都去到花墟~~行咗一陣,就轉咗去年”焦”,都未去到,一望過去,第一個反應就係,”嘩,好叉人多呀~~點入去呀??????頂吖~~之後就一行5條友去咗食嘢~~唉~~真係無諗過食一餐都可以笑到仆街~~點解, 哈哈~~自己諗吓啦,我唔想又俾人”開波”嘞~~kakakaka

生與死之間......

噚日同阿Hachi去睇醫生,等候時,坐我附近有一個50幾嘅女人,見到佢好cool,都唔係點出聲,果時我心諗”嘩!!乜佢咁cool咖,都係唔好野佢嘞~~”一路等,一路等,到果個女人入去,等咗好耐,好耐,之後佢就出咗嚟,之後就立即打電話,好唔好意思咁樣,好唔覺意咁聽到佢講:”阿仔,你快D覆電話啦,個醫生話貓貓病得好重呀,就算入院,都只不過係得5~10%機會會好返,就算好返,都唔知仲可以頂到幾耐,所以個醫生建議貓貓要’人道毀滅’,你快D覆電話啦,因為而家要做決定咖嘞!”之後見到佢一路喊,一路好溫柔咁用隻手去摸貓貓個頭.當時我都唔知點算好,只係覺得個心好唔舒服,好難受……跟住我望咗阿chi一眼,佢又望返我一眼,條尾又不停咁左搖右擺,之後我望住阿chi諗:”如果有咁嘅一日,唔知我會點呢?”心情好down……
其實生同死係D乜嘢呢?呢一刻我開始唔肯定,只知心入邊嘅感覺一D都唔好受……

思想大混亂...真實與虛幻之間...

噚晚發咗個好奇怪嘅夢,個夢大至上係嘅咖……
一開始,我去咗一間扥兒所,入到去,
我就問個姑娘:”請問’言言’係唔係到呀?我想搵佢,同佢講D嘢呀.”
之後個姑娘就答我:”55號吖.”
咁跟住我就回應道:”哦,唔該…”
(其實55號係乜呢,到咗而家我都唔知係乜,不過係個夢入邊我又好似好明白個姑娘所講嘅嘢,唔…有D嘢咁啵~~)
隔咗一陣,見到’言言’好眼訓,打住喊露咁行出嚟,跟住我行埋去:”喂~~言言”
“你係邊個呀?”言言好睡眼惺忪咁問道.
“我係鋒哥哥呀.”我彎著腰跟他說.
言言好仔細咁把我打量一番,說道:”嘩,做乜你唔同哂嘅?”
“我同阿豆姨姨分開咗咖嘞.”我用手輕按他的肩膀回答說.
(吓?????? 阿豆姨姨???????頂!!!!!乜料呀???????如果係阿豆,咁出現就應該係天日仔,而唔係言言啦!!!!!!咁而家係言言出現,就好理所當然出現嘅應該係阿Kim,而唔係阿豆啦~~搞乜Q嘢呀,點解D嘢好似亂哂咁嘅???????)
“點解你哋要分開呀?”言言好奇嘅問道.
“我哋唔夾,所以咪分開吓囉,不過我仲好鐘意佢咖!!!”我溫柔咁回應…
“唔好咁啦,幸福係要自己去爭取咖.”言言好堅定咁講.
(哈哈!!直係估唔到要一個4,5歲嘅小朋友去教我呢樣嘢…)
之後就俾一個電話炸醒咗嘞…
其實醒咗之後都係度諗,呢個夢係唔係君兒送俾我,想話俾我知一D事呢?點解妳又唔肯係我個夢出現,直接咁同我講呢?點都好啦,君兒,我都好多謝妳送咗一個咁好嘅夢俾我,如果可以嘅話,妳今晚直接現身在我夢中啦……

心聲-2......

心債

作詞：黃霑　
作曲：顧家輝　
編曲：顧家輝

重重心中癡債　原是欠下你一世
無限 無盡愛 在我心底

＊悠悠心中癡意　
源源不絕撫慰　
只望可補償一切

＃明明用盡了努力　
明明事事都不計　為什麼萬般癡心　
都等如枉費

△原來今生心債　償還不是一世　
千代千生難估計

Repeat ＊,＃,△

好表達到我的心聲......

赤的疑惑 - 梅艷芳
曲:都倉俊一 詞:鄭國江
讓快樂 為我展開 和你共聚 原是可愛 為我盡力 鍍上光彩 無奈愛意難以因你改
逝去舊夢 願你拋開 懷緬舊事 徒令感慨 求求你 讓我躲開 明知跟我沒將來
當飛花要片片飛 別離時刻真的不會改 昐艷陽常為你照 就如還回全部愛 多少淚 多少歡樂
化作無盡愛 默默回味過去情意 一一收起關進心坎內
今天美景不能再 不要為我添愁哀 似夕陽在散餘暉 將消失在可見未來

Still Missing You, Kimmi......

我要…我要呀…我要您…
記得以前您每一次上到我屋企,您都會好緊張咁同我講呢一番說話,講完之後就會好用力咁去攬住我…
不知不覺間,我哋都分開咗都就快一個月嘞,到咗今時今日,您都係唔肯俾我去搵您,對於您嘅一切一切,我完全一D消息都無,唔知您係唔係已經完全咁忘記我曾經喺您生命之中一閃而過…我都仲係不停咁去問自己,到底我做錯咗D乜嘢,點解您要咁樣對我?唔通我真係連賤渣都不如?到底係唔係我對您嘅愛唔夠多?呢個問題,不停咁出現,我不停咁去思索…都係無答案…
每一晚我都講:”阿Kim,您知唔知我真係好鐘意您咖?您知唔知啫?您知唔知呀?”
之後會再去問:”君兒呀,您知唔知我真係好鐘意您家姐咖,您今晚嚟報夢教吓我應該點做吖!”
點知晚晚君兒都無嚟到…我係真心咖,君兒,希望您今晚會嚟搵我啦,我好想見您一面,同您詳談一番……

好掛住您,忘不了您......

都好多日無打blog嘞,呢幾日都係不停咁去問返同一個問題:我到底做錯咗d乜?點解您要咁對我?另外有幾樣嘢,係喺幾日前至開始發生......
1.發覺自己開始忘記您把聲係點......呢件事我真係唔想發生呀!!點解會咁咖,我唔想連呢d小小嘅記憶都失去呀......
2.晚晚都自言自語,目光呆滯咁去問:您知唔知我真係好鐘意您咖......
3.晚晚睡覺前都去問:君兒,我真係好鐘意妳家姐咖,妳今晚一定要嚟報夢,教我點做吖,我真係唔想無咗妳家姐咖,嗱,一言為定咖嘞,一定要嚟呀......
4.發覺自己好似鐘意咗君兒......
唉,開始好似有d癲咗咁......

永無休止的問題．．．．．．

呢幾日我不停咁去問自己,我到底做錯咗D乜，點解您要咁對我？您係唔係block咗我msn？我不停咁去問一個永遠無答案嘅問題，一路咁問，一路咁去諗自己做錯咗D乜，到最後，我嘅答案好９唔答８．．．．．．我想要一個家．．．我希望用我一切努力，去俾您幸福，就算您唔再愛我，我都會用盡一切方法去令您幸福，不用任何回報．．．．．．

真係好無用

真係好無用,今日喺公司,都係好似以往一樣,不停咁去諗起以前同您嘅一切一切,個Senior叫我明天要去人地廠，之後我話”明天，唔得喎，我明晚要返學呀！”之後都唔記得講咗D乜嘢，我就話：”我付出得太多嘞，要無咗嘅嘢，始終都係無咗，永遠都唔會再返轉頭．．．．．．”之後佢問我咩嘢事，到最後我都無答佢，因為我已經出唔到聲，我真係再一次控制唔到我嘅情緒，之後佢走咗，我再次失控，再一次哭了．．．．．．

不能忘掉您的一切

喺呢幾日,我不停咁諗起好多我地以前嘅嘢,您仲幾唔幾得我地喺點認識咖,諗返起都好好笑,都唔記得邊一日我個friend俾咗您個msn我,之後我就add咗您,之後就每一晚都同您msn,亦都好好彩咁可以攞到您電話,就開始咗同您傾電話,記得第一次聽到您把聲,好沙,但係我就不其然咁愛上,之後當我知道您鐘意咗我,真係令我有D驚,當時我仲諗,唔係呀嘛,鐘意我,我又唔係D乜嘢有錢人,又唔靚仔,邊會有個咁好嘅女仔會鐘意我吖……,之後從您把聲之中,我真係聽得出您係鐘意我,所以我地最後都喺埋咗一起,當時我真係覺得好幸福……

「最深的愛是放棄」

「最深的愛是放棄」-非常愛與非常在乎，有差別嗎？？
((文章來自網路流傳))
我同時有著兩個女朋友......一個認識了五年,而真正在一起只有一年多......她是我高中同班同學,可愛,樂觀,善解人意,脾氣非常好,在學校也非常有人緣...她很了解我,而我也習慣有她陪在我身邊,所以我們便理所當然的變成男女朋友了...而我稱她為-天空藍...另一個一認識就交往,在一起也三年了......她是一位外表非常亮麗出色的女人,對自己非常有自信,而且有著什麼都不怕與愛恨分明的個性...她很吸引我,我和她更是一見面便爆出火花,一發不可收拾,所以,我們的關係進展迅速...而我稱她為-普魯士藍...本來,這並沒有什麼太大的問題......因為...雙子座的天空藍不黏人也不纏人,她對我很信任,給我很大的空間...而獅子座的普魯士藍則愛天天和我膩在一起,她喜歡熱鬧喜歡逛街喜歡玩,而對我也是處處關心,所以什麼都要知道,都要過問...她們彼此不知道......而我,也熱於和她們同時在一起...一個善解人意...一個活潑出色...不過,這關係在我出了一個問題後,有了些改變...那天,我心血來潮的問天空藍她愛不愛我?她回答我:我...我很在乎你!我對她的回答實在有些生氣......晚上,我同樣問普魯士藍她愛不愛我?她摟著我的脖子又咬又親說:我當然愛你...那你愛不愛我?......而在這個問題後,我對這兩段感情有了不同的見解了...我覺得我也比較愛普魯士藍……….我覺得天空藍和我之間大概真的只有習慣吧!再來,又因為發生了一件事,使我不得不做出決定了......普魯士藍發現了天空藍寫給我的信...為了證明她愛我,普魯士藍在我面前哭哭鬧鬧割腕,我一面急著幫她包扎,一面答應給她承諾且會與天空藍作個了結...當時,我除了震驚外也有少許驕傲的感動,居然有人為了證明她愛我而割腕...我想,普魯士藍是真的愛我的......所以,我決定和天空藍談談...我說:反正我和妳本來就只是因為習慣才在一起的,而且妳又只說在乎我而已,而普魯士藍都可以為了我而不要命了......我們還可以是朋友啊!!天空藍低頭不語...而我則有些慶喜她沒為難我,但又很火大,原來她真的不在乎我......出了咖啡廳,我急著去找普魯士藍,要告訴她我已解決了......
一時太心急,沒看左右便忙著過馬路...突然一輛車朝我衝來...我還來不急反應...就被人推倒...等我反應過來回頭一看...我...我...只見天空藍已躺在血泊中了......我忙著聯絡天空藍的朋友與家人,還要急著打電話安撫又在哭鬧的普魯士藍..正當我翻著天空藍的背包想找她記事本上的通訊錄時,我發現了一片劉若英-很愛很愛你的CD,上面貼著一封署名給我的信......其實我早就知道有她的存在了......而當你在電話中說要找我談一談時,我已看到了結果......不能怪你,是我自己給你太多自由的......我捨不得你......但是我願意讓你自己選擇你要的幸福......因為我真的...非常在乎你....祝你幸福......我緊緊握住手上的信......我突然了解到了什麼是幸福......只是......只是......我希望還來的及………玫瑰,如果不再盛放,不是因為風水不好,而是缺少了細心灌溉的人,缺少窗邊微笑看花的人.....

我…終於都哭了……

一日一日咁過,對您嘅思念卻一日一日咁加深,回想返3個月前,開開心心咁同您開始,到咗而家,卻因為我種種嘅不是,而令到您放棄同我去行以後嘅路,噚晚朋友個朋友生日,喺我嘅朋友左推右推下,於是就去咗佢個朋友仔嘅Birthday Party,我呢個朋友都唔話得,知道我唔開心,所以就叫埋我出去開心吓,又可以去識多D朋友,有男又有女,D女仔好靚,一齊都玩得好開心,但係當開始飲多兩杯之後,有D醉意, 就開始有D失落,就算噚晚好似有人對我有意思(有人同我講),都唔行過去,因為我想起您,不知不覺間又諗起同您一齊時嘅愉快時光,想起您的微笑, 想起您的每一句話,想起想起想起好多嘢……到走嘅時候,得返自己一個人,失落感加倍強烈,明知沒有可能發生嘅嘢,我都願意無了期咁去等,好多人都話我傻,無錯,我真係好傻,個人開始失控,喺半夜無人的銅鑼灣,我…終於都哭了……

不可放棄，重新振作～～

今次係我呢個blog嘅開張日,其實當一個人做錯咗一D事,我地應唔應該俾人地一次改過嘅機會,因為您,所以我以後會叫自己做Kimmy , 點解? 因為您叫Kimmi! 我想俾自己一次改過嘅機會,我希望您都能夠俾我多一次機會,我知道我之前一直都好無自信,因為您搵錢多過我,而我多次因為呢樣嘢嚟發脾氣,真係好對唔住,我真係好驚俾唔到幸福您,您放心啦,我以後一定會做好自己,錫多D自己,無論您對我點樣都好,我都一定會對您好好,因為您最大嘅幸福,快樂,亦都係我最大嘅幸福同快樂,最後一句, Kimmi, 我愛您……